秋冬粉底慳家之作

而家轉季上粉後D妝好唔貼塊面, 又成日甩妝.  又唔可以買一支唔岩又換一支.  我係乾到出油既敏感皮膚, 之前一路都以為自己係油性皮膚, 搞到好耐先知自己係乾到出油.  係粉底方面, 而家呢D天氣真係好難搞.

我見D YOUTUBE GURU教可以加D面霜入去粉底度增加滋潤度.  我都試過, 不過太潤, 不到2/3個鐘就出晒油.  最後見屋企有多左既精華素係度, 就不如加D精華素入粉底度試下啦.  睇下會唔會好D.  點知………..又真係比起面霜好好多.  真係貼面好多.  冇再浮粉或甩粉. 

今次我係用左呢支金樽仔加入粉底到.  大約1至2滴精華素混合1至2PUMP既粉底, 再將佢地混和及搽上面.   貼服度比起之前真係好好多.  另外泛油既情況都改善左好多,   

如果比著之前的話3/4個鐘我個鼻就出晒油晒, 反晒光.  而家用左呢個精華素混入粉底既方法, 又真係冇呢個情況出現.  相信呢個冬季用呢個方法的話, 我既底妝相信都會維持到一段比較長既時間.  最重要係唔駛再花光錢再多支粉底呢.

Disclaimer : 所有產品全是自費購買及自用的.  All products are purchased by own money and for my own use.

Social media:
Facebook: https://www.facebook.com/dailylife2014
Instagram: Shopaholic.mama