分享用後感HADANOMY COLLAGEN MIST

呢支爽膚水係睇YOUTUBE GURU同時都係一位化妝師推介既.  呢支爽膚水有保濕作用既, 我會每日都會用佢2次嫁 (一早一晚).  另外呢有時間都會用佢配合我部HITACHI導入導出機使用.

平時呢我會將佢噴係化妝棉上面, 再輕輕拍係面上,  拍到甘上下我會用手背貼上面, 睇下有冇痴手的感覺, 有既就即係保濕度差不多, 跟住我就會繼續我的搽其他保養品上面.

呢支野我都用到差不多見底, 由於我係乾到出油的皮膚, 所以保濕對我黎講係超級重要.  呢支爽膚水呢保濕度對我黎講就一般, 可能係我真係好乾.  反而用佢做導出呢就有驚喜. 我每次用佢做導出呢, D棉花都見到污糟野, 反而用其他爽膚水/卸妝水就冇呢種效果.

呢支野當時我係SASA買既, 大約HKD 60買到, 而家有成250ML, 其實都幾抵用, 好似我甘粗用呢, 就真係一D都唔覺得心痛. 不過會唔會再回購, 我估我暫時唔會住, 因為今年年初係台北入手左NATURE REPUBLIC既FIRST ESSENCE 條LINE, 都仲未用.  所以會先用左NATURE REPUBLIC既野先. 唔係真係會擺到過期.  用完之後再考慮是否回購啦.

多謝大家支持.  THANKS!